Scholarship dil hun pawtsei

Sawrkar laipuia Ministry of Minority Affairs chuan Minority Scholarship Pre Matric leh Post matric a dil thar duh te tan September ni 30 thleng hun a hawn belh.

Mizoram Scholarship Board Secretary Pu JH Zorem-thanga sawi danin Minority Scholarship, Pre-Matric leh Post matric scholarship dil tur a thar leh dil tawh dilnawn tur (Renewal) tan hun a rawn pawhsei thu sawiin, hun hawn belh chhung hian zirlai leh zilrlai nu leh pa ten an fate tan ṭhahnem ngai taka Minority Scholarship hi dil ṭheuh turin a chah a, Tribal scholarship bik chu a dilna tur portal siam mek a nih avangin dil hun tur inhriattir leh tur a nih thu a sawi a ni.

Scholarship dilna hi Internet online hmanga tih theih a ni a, mahnia tih theih a nih bakah hmun hrang hranga Common- Services- Centre aṭangin a tih theih a, a dilna form portal-ah hian adiltu- Bank Account number leh International Finance Corporation (IFC Code) chiang taka dah lan a ngai a ni a ti bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram