Tottenham chuan Paris St-Germain defender Serge Aurier chu £23m velin an lalut.
Ivory Coast right-back kum 24 mi hian Tottenham-ah hian kum 2022 thleng châm turin kum 5 daih contract a ziak a, mahse work permit tihfel nghal theih a ni lova, a chhan chu nikum lamah Police Officer a tihbuai avangin hrem a la nih vang a ni.
Aurier hi kumin nipuia Tottenham-in player an lakluh palina a ni a, a hmaah hian goalkeeper Paulo Gazzaniga bakah centre-backs Juan Foyth leh Davinson Sanchez te an lo lalut tawh a, Sanchez phei hi chu an club record ni tura Ajax aṭanga £42m-a an lakluh a ni.
Aurier hian PSG hi Toulouse aṭangin kum 2014 khan a zawm a, French titles pahnih leh French Cup vawi hnih a chawi hman a, khelmual pawn lamah chet mawi loh chang a nei zeuh zeuh avangin hrem a ni fo a ni.