Zothlifim Logo
Loading ...

Pu Lal Thanhawla Chief minister chuan minister thar a ruat chungchangah tumah ka râwn lo, Pathian nung lo chu a ti.

Nimina Congress political session-ah MPCC President ni bawk Pu Lal Thanhawla chuan MNFsawrkar khan miretheite chanai an ei nasa, an ei nasatzia chu ka sawi ngai lovin in hre vek a ni, an thisen zawmpui leh chhungkhat laina te an vulh nasa lutuk a,an PHE Minister fapa khan tui metre zawng zawng a supply vek a ni awm e, CM nau in Tuirial HEP compensation a la teuh bawk a ti.

Pu Hawla chuan ramro tling, thlawhna tumhmun leh tui leh eng lak thlengin, infrastructure lian zawng zawng te hi party dang siam ve sawi tur hria an awmlo ang a ti. MNF sawrkar khan Aizawl water supply scheme phase II kha thamna an la emawni hmantlak mang lovin an chhuah a, kan sawrkar hnu ah PHE minister hmalakna in sum tamtak sengin kan cheitha leh thei chauh a ni a ti.

Pu Hawla chuan,“MNF ten CBI a ko lut ngam lo min ti a, ka ngamzia ka lo hrilh a,1999 atangin Lottery kan chhui tel tir ang a, an hotupa in an dap thut a cheng nuai za 800 chuang an man te nen chhui vek law law ila tih chuan an reh ta vang vang mai a ni a ti. An duh tak tak anih chuan Pu Zodintluangan’ MNF party chanchinbu thuchhuak avanga Criminal case a register ang hian ti ve mai rawh se. CBI kohluh pawh an reh phah hmak a, an hlauh viau chuan kan chhui tir lo mai ang a ti.

Pu K.S. Thanga Minister chuan Pathian hruaina duhawm tak a chan vang a lawmthu a sawiin. Pu Lal Thanhawla kaihruaina hnuaiah term 2 MLA ni mekin tun hunah MLA zingah fel ber leh phuber ni lo mah ila minister tura thurchhuah ni a, minister atan min ruat avangin amah leh a senior minister te chungah lawmthu ka sawi a ni a ti. Hei bakah hian party workers, headquarters office ‘Bhavan’ luah lumtu te leh Mizoram hmun tin a party mite thlawpna ka dawn avangin lawmthu a sawi bawk. Minister thar ka nih dawn avangin senior minister te ngaichangin an ka kal ang a, party a kan hruaitute thurawn leh thlawpna ka beisei zel dawn bawk a ni a ti.

Pu Lalrinmawia Ralte MLA chuan, Political Adviser to Chief Minister atan ruat anih chungchang sawiin, tunah appointment order ka hmu chauh a, charge ka la la lova, ka thutna tur Chair leh office tak ngial pawh ka la hmulo, he nihna atang hian engmah hlawh leh hamthatna, petrol farkhat takngial pawh ka la dawn loh avangin, BJP Mizoram Unit ten MLA atanga bang tur a min rawn ti ngawt hi dan lam thiamten an la rawn sawifiah ang chu, a ti bawk.