Russian teenager Andrey Rublev chuan ninth seed David Goffin hnehin Quarterfinal-ah Rafael Nadal a hmachhawn dawn.
Kum 19 mi, Rublev hian 7-5, 7-6 (7-5), 6-3-a Goffin hi hnehin Kum 2001-a Andy Roddick hnua Flushing Meadows-a last eight thleng leh thei naupang ber a ni a, hetihlai hian Quarterfinal-a a hmachhawn tur kum 31 mi, Nadal hian Alexandr Dolgopoov chu darkar khat leh minute 41 chhunga 6-2, 6-4, 6-1-a hnehin kum 4 chhunga a vawi khatna atan last eight a thleng ve leh ta a ni.
Rublev hi June thla khan Top 100-ah a rawn invawrh kai a, July-ah top 50-ah kaiin thla hmasa khan World number 49-na aṭangin 53-naah a tla thla leh a, second round-ah hian seventh seed Grigor Dimitrov a lo hneh tawh bawk a ni.
Juan Martin del Potro chuan set hmasa pahnih a hloh hnuah ropui taka comeback-in Sixth Seed Dominic Thiem chu 1-6, 2-6, 6-1, 7-6 (7-1), 6-4-in a lehthal leh a, Quarterfinal-ah hian Del Potro hian Roger Federer a hmachhawn dawn a, Third Seed Federer hian Philipp Kohlschreiber hnehin Quarterfinal a lut a, kum 36 mi, Federer hi a hnung zân na vangin Fourth ROund-ah pawh hian an inkhel laiin Medical timeout a lo nei tawh a ni.
Hmeichhe lamah American nula te an che ṭha a, Quarterfinal thleng American hmeichhe pali an awmna ni turin Madision Keys chuan Fourth seed Elina Svitolina a hneh a, 15th seed Keys hi 7-6 (7-2), 1-6, 6-4-a chakin Svitolina-i’n World number one a beisei theihna chu a tihthâmral sak ta rih a, a hmaah hian American hmeichhe pathum Coco Vandeweghe,Venus Williams leh Sloane Stephens te chuan last eight hi an lo thleng tawh a ni.
Top seed Karolina Plikova pawhin Quarterfinal Spaniard Garbine Muguruza lak aṭangin World no. 1 nihna chu a humhi thei dawn ta a, kum 25 mi, Pliskova hian minute 46 chhung lekin American World number 91 Jennifer Brady lakah 6-1, 6-0-in hnehna a chang a, Quarterfinal-ah hian 20th seed Vande-weghe a hmachhawn dawn a ni. Last eighthi Estonian Kaia Kanepi pawhin a thleng a ni.