Mizo Students Union (MSU) Gen. Hqrs. Executive Meeting in alo rel tawh angin, kum tina ‘Zo Hnam Chhan Ni’ September thla chawlhkar hnihna Zirtawpni apianga a lo hman ṭhin chu kumin ni 8 September, 2017 hian a hmang leh dawn.
Hemi ni hi sumdawnna laka chimral kan nih loh nan, hnamdang sumdawngte dawr loh ni atan MSU chuan hman an duh tih an sawi a, hnamdang sumdawngte pawh an dawr khâr vek turin an hriattir nghal a, dawr hawng lui an awm a nih chuan an chungah harstana leh buaina an tawk a nih chuan MSU in mawh a phur lo ang an ti a, Mizo Mipuite Hnamdang dawr lo a, Mizote dawr zawk turin MSU chuan a ngen a ni.