Reserve Bank of India chuan thuchhuah siamin bank account leh Aadhaar thlunzawm chu tih ngei ngei tur a nih thu a sawi.
Tunhnaia chanchinthar ṭhenkhata RBI-in Bank account leh Aadhaar thlunzawm chungchangah thupek a siam lo nia RTI-a zawhna chhânna a awm niawma thuthang chungchangah thuchhuah hi siam a ni a. RBI chuan Prevention of Money-laundering (Maintenance of Records) Rules hnuaiah Aadhaar leh bank account thlunzawm hi tih a nih thu chiang takin a sawi a. He dan hi kumin June ni 1-a Official gazette-ah pawh tarlan a ni a ti a. Heng dante hi zawm ngei ngei tura siam a nih avangin bank-te pawhin thuchhuah dang nghak lo a a rang lama an bawhzui tur thil a nih thu a tarlang bawk.