Zothlifim Logo
Loading ...

Tv. J.Chuauliana (34) s/o PC Thuamliana Darlawn chhimveng chu Inrinni zing dar 7 bawr vel khan Tommy Lal-chhanchhuaha (26) S/o Thanpari chuan Stool-in a vua a. Inrinni zan dar 10:30 khan Chuaua hi Aizawl panpui a nih mek laiin Sesawngah a boral a ni.

Hemi te pahnih hi intihbuaina an nei lo niin hriat a ni a, an lenna ṭhutthlengseia Chuaua mu chu in neitu Pi Lalhlimpuii chuan in leng an awm ve avanga ṭhu chhuak ve turin a hrilh a, thinrima hrilh pawh a ni lo nia sawi a ni a. Inneitunu chuan eirawng a bawlsan leh mai a, chutia eirawng a bawl lai chuan Tommy-a chuan in neitute thlavang hauh niawm takin stool-in Chuaua mu chu a luah a chhu a, a chhutu chu a hâwn nghal daih avangin inneitu in a lo hmu lawk si lova, inleng pakhat rawn lûtin Chuaua thisen baw nuaih a hmuh hnuah Chuaua chu damdawiin lam an kalpui nghal a ni.

Darlawn damdawiinah hian Chuauva hi ṭhui ngai leh dressing te tih zawh a nih hnuin in lamah an haw leh a, harsatna em em nei zui anga a awm loh laiin chawhnu lam aṭangin thiin a luak a, a kaih tak reng avangin Damdawi-inah bawk kalpui a ni leh a, nikhaw hre lote a a awmzui tak zel avangin Aizawl lam hi panpui an ni a, kal kawngah a boral ta a ni.

Tommy-a hian a chhut chhan ber nia inneitunuin a sawi chu a ruih ât vang bak sawi tur a hre lo a, Chuaua kutthlaktu Tommy-a hi Darlawn Police ten an man nghal a ni.