## Manchester United boss Jose Mourinho chuan tuna a club awm meknaah a career a titawp dawn lo tih a sawi a, Old Trafford-a a hun a hman zawh hunah Paris St-Germain lam pan a duh thu a sawi. (The Times)
## Mourinho hi a contract neih lai hmang zovin kum 3 daih tur contract pawhsei chungchangah sawihona an la neih loh avangin a lungawi lo hle. (Daily Record)
## Chelsea, Manchester City leh Arsenal te chuan Barcelona B team forward kum 17 mi, Abel Ruiz chu an enzui hlawm a, Ruiz hian release clause £3m a nei a ni. (Mirror)
## Manchester City chuan January thlaah Southampton left-back kum 28 mi, Ryan Bertrand chu lakluh an tum dawn tih an sawi. (Daily Mail)
## Barcelona chuan Pathianni khan Bayer Leverkusen player pathum an thlithlai a, chung player te chu: centre-back kum 21 mi Jonathan Tah, winger kum 20 mi Leon Bailey leh winger kum 21 mi Julian Brandt te an ni. (Sport)
## Barcelona chuan January thlaa Liverpool midfielder Philippe Coutinho, 25, an lalut thei lo a nih chuan Bayern Munich midfielder Thiago Alcantara, 26, lam an hawi dawn. (Don Balon)
## Antonio Conte chuan Crystal Palace an hneh loh hnuah an title kawl lai humhim chu a harsa dawn tiin Chelsea hotute chu a vaukhan lawk a, an squad pawh midang hmatawng te lakah an khawng tawk em tiin a zawt bawk. (Guardian)
## Barcelona forward Lionel Messi leh a nupui Antonella Roccuzzo te chuan an fa pathumna tur an beisei mek tih an puang. (Daily Mail)
## West Ham striker Andy Carroll chu Burnley nen an inkhelh ṭuma Red Card a hmuh avangin Club chuan £180,000 an chawitir. (Mirror)
## Watford player Richarlison chu Premier League player zinga dive vanga inkhel thei lo tura hrem hmasak ber ni thei dinhmunah a ding mek. (Daily Express)