Zothlifim Logo
Loading ...

Tangrual Pawl (ZPM) chuan chuan BJP nena thawhho tumna an nei lo tih ZPM Steering Committee Pu Lalliansawta’n a sawi.

Kristianna leh an sakhua humhim chu ZPM in a dinchhan pawimawh tak a nih avangin BJP nena thawhho chu remchang lo ni a sawiin ZPM leh BJP thawkdun maithei anga a thusawi tihchhuah anih chungchang sawifiah tula a hriat thu a sawi a, ZPM chu pawl hrang hrang te it leh thawhpui chakawm khawpin a lo lian in, mipui te pawhin sorkarna siam turah hiala an lo hmuh avangin pawl thenkhatin pawhin thawhpuiah an sawm tih a sawina mai a ni a ti.

Mizoram State BJP President pawhin vairam atangin thawhho a duh thu phone hmangin a bia a. Kum rei tak Zoram mipuite kaihruai tawhtu Congress leh MNF ni lo sorkar siam chu an sawi fo tawh angin anni pawhin an duh loh thu a rawn sawi ve a, nimin piah maia Mizoram BJP President in a phone tih loh chu thawhho tuma inbiakna an nei lo a, inbiak tumna pawh an nei lo a ti. Hetihlai hian, ZPM Lengteng Constituency bial viltu Pu H. Ginzalala chuan a tul dan angin Lengteng hmasawnna turin mithiam an ruai ang a ti a, Sawhthing pawh kg ah `50/-in an lei ngei dawn a, hei mai ni lo hian a Processing Unit din a ni ang a ti.