Categories
Chanchinthar Mizoram Serchhip

Lungpho khaw mi kâng ṭhelhnaah lungin a delh hlum

Nimin chawhnu dar 1:10 vel khan Lalngaihzuala (26) W/o Lalchhanhimi, Lungpho chu ram kâng an ṭhelhnaah lung lumin a lu-ah a delh a, a hmunah a boral nghal.

Lalngaihzuala hi Lung-pho tlak lam Sialhau khaw ep, khua aṭanga Km 4 vel |hapui ram kâng khawtlangin an ṭhelhnaah telin, lung hian a chalah delhin a kâ pawh chhawn lohvin a thi a, a nupui raipuar lai leh an fate 2 – kum 5 hnuai lam a kalsan a ni.

Lungpho |hapui ram hi a chhan hriat lohvin a kâng a, nimin zing dar 9:30 vel khan VC leh YMA-ten ṭhelh tur thu an tlangau a. Lalngaihzuala’n vanduaina a tawh hma hian a bul hnaia awm tho Lungpho VC Vice President Lalzarmawia pawh lung lumin a ban bulah delhin, a bân hi a tliah leh tliah loh hriat a ni lova, khaw lam panpui a nih lai mekin Lalngaihzuala thih thu an hre zui a ni.

Lalngaihzuala hi nizan khan lumenpui a ni a, vawiinah vui a ni ang.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram