Kerala BJP President PS Sreedharan Pillai chu Mizoram Governor atan ruat a ni a, amah pawhin he an ruatna hi a pawm thu a sawi nghal a ni.
Kum 65 mi, PS Sreedharan Pillai hi Keralite zinga Mizoram Governor pathumna tur a ni dawn a, a hmaah hian Vakkom Purushothaman (2011-14) leh Kummanam Rajasekharan (2018-19) te an lo awm tawh a, tunah hian Assam Governor Jagdish Mukhi chuan Mizoram hi a hmui mek a ni.
PS Sreedharan Pillai chuan nimina Mizoram Governor atana ruat a nih hma hian Prime Minister Narendra Modi chuan a lo be tawh tih a sawi a, “Party-in mawhphurhna min pe a, he mawhphurhna hi ka chelh dawn a ni. BJP hotupa ka nihna chu a tawp ta a. Prime Minister pawhin posting chungchangah hian hmanni khan min be tawh a ni,” a ti bawk.
Pillai hi Venmony panchayat, Alappuzha district, Kerala-ah piangin, N. S. S. College, Pandalam a\angin a graduate a, hemi hnu hian Government Law College, Calicut a\angin degree a la leh a, Kerala BJP-ah hian dinhmun pawimawh tak tak a chelh nual tawh a ni.
PS Sreedharan Pillai rual hian IAS officers Girish Chandra Murmu leh RK Mathur te chu Jammu-Kashmir leh Ladakh Lt. Governor thar atan ruat an ni baw a, Girish Chandra Murmu hi Expenditure Secretary ni lai niin, RK Mathur hi dfence secretary pawh lo ni tawh a ni.
