Pathianni-a Formula One Brazilian GP-ah Red Bull’s driver Max Verstappen chuan hnehna a chang.
He intlansiakah hian Verstappen hi a tlan ṭha hle a, an tlan chhuah ṭan aṭangin intlansiak a thunun a, Hamilton leh Mercedes an che ṭha tawk lo hle a, Hamilton leh Red Bull driver Alexander Albon-te chu an intai avangin 5 seconds penalty pek a nih avangin Hamilton hi pasarihnaah a tlak phah a, he intlansiaka langsar tak Toro Rosso driver Pierre Gasly chu pahnihna niin, Hamilton hrem a nih avang hian McLaren driver Carlos Sainz chuan podium a chan theih phah ta bawk a ni.
He intlansiakah hian Ferrari driver pahnih Sebastian Vettel leh Charles Leclerc-te chu palina dinhmun inchuhna lamah intauhin an tlan tluan thei lo bawk a ni.
Brazilian GP Results:
- M. Verstappen (Red Bull) 1:33:14.678
- P. Gasly (Toro Rosso) +6.077s
- C. Sainz Jr. (McLaren) +8.896s
- K. Räikkönen (Alfa Romeo) +9.452s
- A. Giovinazzi (Alfa Romeo) +10.201s
- D. Ricciardo (Renault) +10.541s
- L. Hamilton (Mercedes) +11.139s
- L. Norris (McLaren) +11.204s
- S. Pérez (Racing Point) +11.529s
- D. Kvyat (Toro Rosso) +11.931s