Chhimchhak Area Masihi Sangati Meet Vawi -19-na chu nimin, Pathianni hmang khan Serchhip Kawnpui Kohhran Biak Inah neih a ni.
Zirtawpni zan aṭang khan Chhimchhak Area Masihi Sangati Meet hi “Isua Kawng leh thutak leh Nunna (Johana 14:6)” tih thupuia hmangin Serchhip Kawnpui Kohhran Biak In-ah neih ṭan niin, Speker Evan. Lalhruaitluanga hnen aṭangin Pathian thuchah ngaihthlak ṭhin a ni a, nizan khan Msihi Sangati meet hi a ṭiak a ni.
Masihi Sangati Meet-ah hian hnamdang Kristiante bakah Serchhip leh chhehvela hnam dang, Kristian la ni lote chu meet hmang tur a sawm khawm ṭhin an ni a, heng Kristian nilo hnamdangte hi Synod Dialoge Team-te leh Bial hrang hranga Tirhkohten Counselling Class an neihpui ṭhin a, Area Meet chhung hian Hnamdang Ringlo mi 50 chuang Kristianah inpe tharin Baptisma an chang thar a ni.
Meet-ah hian Pathian Biak Inkhawm apiangin Area huamchhung a Masihi Sangati Bial Zaipawl hrang hrang ten Pathian fak hla an sa ṭhin a, inkhawm ban apiangin Fellowship Programme hlimawm tak hman zui ṭhin a ni bawk.
Chhimchhak Area Meet huamchhungah hian Masihi Sangati Bial 6 leh Fellowship 6 leh Tirhkoh 6 awm an awm mek a, Chhimchhak Area hi Chhimphei Bialtu Pastor Lalfakawma Chhangte-in a bial tel a ni.
Chhimchhak Area huam chhungah hian hnamdang ringlo mi 578 leh hnamdang Kristian 428 awma chhin-chhiah a ni a, nikum Meet leh kumin Meet inkarah Chhim-chhak Area huam chhungah hnamdang mi 321-ten Baptisma an chang nia chhinchhiah a ni.