Zothlifim Logo
Loading ...

National Commission for Women member Soso Shaiza chuan nimin khan Chief Minister Zoramthanga chu a pisa ah hmu in, Mizorama hmeichhe dinhmun chawisanna tura hmalak theihnate an sawidun.

Soso Shaiza hi National Commission for Women aiawhin Mizoram leh a bik takin aspirational district Mamit chhunga hmeichhiate dinhmun zirchianga lo kal a ni a. Chief Minister hnenah hian Mamit district tihhmasawn tura hmalaknate chu fakawm a tih thu a hrilh a. Hmalak belh zel theihna tura School of Excellence din te, working women hostel siamte ṭha a tih thu sawiin, NCW kaltlanga awareness programme leh research buatsaih a theih thu a sawi bawk a. Ram inrelbawlnaah hmeichhia tel ve chungchang leh police lama hmeichhia tam zawk an luh theih a duh thu a sawi bawk. Chief Minister nen hian handloom chawisan pawimawhna te leh entrepreneurship kaltlanga hmeichhia dinhmun thalo zawka awmte khaikan pawimawhzia te an sawi dun bawk a ni.

Mizoram State Commission for Women Chairperson Lallawmchhungi leh member Prof. Lalneihzovi-ten Soso Shaiza hi an ṭawiawm a ni.