Children’s Week lawmna hmang tan

District Child Protection Office, District Legal Services Authority leh Project Himna SADAT, Serchhip-te buatsaih-in Children’s Week 2019 lawm-na hun chu nimin aṭang khan hman ṭan a ni.

Children’s Week hawn-naah hian Serchhipa Middle School leh High School naupangten kawngzawh neiin, he kawngzawh hi Serchhip District Bawrhsap Sangchhin Chinzah chuan a vailiam a, he hunah hian zirlai ten zuk leh hmuam leh ruitheihthil that lohzia poster-te an keng a ni.

Rally neih zawh hianah Serchhip Auditorium-ah ‘Happy Childhood Preventing from HIV/AIDS & Drugs Abuse’ Programme hman chhunzawm nghal a ni a, he hun hi Lalsiampuii, DCPO, Serchhip-in a kaihruai a. Khuallian R.Sathyasundaram, SP, Serchhip chuan zirlai naupang kalkhawmte hmaah thusawiin, zu leh ruihtheihthil kaihhnawih chi hrang hrang laka filhlim tura fuihin, heng ruihlo tawlh rutute leh zuartute hremna dan hrang hrangte a sawi bakah, mihring hrisel leh mi puitling ni tura an nitin nunkawng uluk taka hmang turin a chah bawk.

Project Himna MADAT (Mizoram Against Drugs Alcohol Tobacco) atangin Dr. Zodinmawii, Medical Officer OST Serchhip chuan zirlai naupang te chu zuk leh hmuam leh ruitheihthil that lohna chi hrang hrang a lem nena entirin a zirtir a. Lucy Lalremruati Chhangte, Chief Functionary, Gan Sabra Society Aizawl hnen aṭangin HIV/AIDS laka nau-pangte an him theihna tur leh inven dan turte bakah dan hnuaia naupangte venhimna chung-chang ngaihthlak a ni bawk.

He hunah hian Serchhip khawpui chhunga zirna in hrang hranga zirlai naupangte, Serchhip District Legal Services Authority leh HIMNA-SADAT Serchhip a thawktute telin, vawiinah a hmun ngaiah vek ‘Our Children-Our Future – Role of Parents & Teachers’ tih thupuia hmangin Programme hman leh tura ruahman a ni.