Nimin khan Bamboo Development Board chu CM Cabinet Meeting Room-ah an chairman Chief Minister Zoramthanga hovin board hmalakna tur an sawiho.
Meeting-ah hian rua chin bulṭanna tur atan Model Plantation siam rel a ni a, Growmore Biotech in a chi (seedlings)-a supply hmangin kumtharah chhungkaw 100 aṭanga 200 emaw enkawl tur Model Plantation hi siamin, chhung khat/ in khatin ṭin 2½ bawr vela zau hmun an enkawl ang a. A vah faite, khur laihte, mang khawhna turahte puihna sum ruahmanin, puihna sum hi ram zau zawng leh khur laih zat a zira rate bituk ang zela inpek a ni ang a. Society-in hmalaknate enfiahin, puihna sum pawh hi society kaltlanga pe tura rawtna siam a ni. Heng bakah hian a kara thlai dang chin tur, mixed cropping-a chin theih turte ngaihtuahho a ni bawk.
Meeting-ah hian Planning Board Vice-Chairman H.Ram-mawi, Member Secretary JC Ramthanga leh board member dangte an tel a ni.