Categories
Chanchinthar Mizoram Politics

CM thusawi RTI Act palzut tumnaah puh

MPCC chuan thuchhuah siamin, chief minister Zoram-thanga’n PWD officer-te a kohkhawmnaah tunhnaia RTI dan hmanga minister-te lehkha, zirtirtu la tura an duhsak zawng la (appoint) tura an ziahna (Official correspondence) thehdarh chu dan kalh, hrem theih tia a sawi thu tunhnaiah social media lamah a lang tih MPCC chuan an tarlang a, hei hi langtlang sawrkar neih theihna tura India ram dan RTI Act palzut tumna niin an sawi.

MPCC chuan chief minister-in sawrkar official correspondence RTI hmanga dilchhuah, mipui hriat tura thehdarh chu dan kalh, hrem theih tia a sawi chu a lungchhiatthlak hle a ni an ti a, ram danin kan chanvo tura min pek dan pawn lam, hrem theih anga chief minister-in a sawi chu pawi an tih thu leh sawrkar officer-te hetianga a vau (warn) ta mai chu an chet tawh dan zawh chhuah belh hlau a ang an tih thu an sawi.

Dân ṭha leh changtlung, mipuite tana India ram dan-puiin min hlui, kan chief minister zahawm tak Zoramthanga’n a lo hrechiang lo hi a vanduai-thlak kan ti a, minister-te official correspondence zawng zawng pawh zawhchhuah theih a ni tih hre tura an duh thu an sawi.

Sawrkar hnathawk, eiruk-na leh sawrkar kaldan dik lo puangtute chu India ram danin a chhan hle tih chief minister chuan hria se an duh tih a sawi a, The Whistleblowers Protection Act, 2014 kaltlanga hum an ni a, eirukna leh hlemhletna chhuichhuah kawnga an puihna avanga lawmthu hial pek tur zawk an ni, tih tarlangin, RTI Act hmanga kalphung dik lo haichhuah zel chu MNF kaihhruai sawrkar chuan a hlau tih a chiang a, Buichhia laih lohvin a inpuang mai nia an ngaih thu an tarlang.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram