FEMSE-in sawrkar kar nana chawlh lâk an titawp

Federation of Mizoram Samagra Employee (FEMSE) Office Bearer-te leh sawrkar Official-te chuan inbiakna mumal tak an neih theih avangin FEMSE Council Meeting chuan Mass Casual Leave lak mek chu nimin chawhnu dar 2 aṭang khan an titawp.

He meeting-ah hian, FEMSE hruaitute leh sawrkar Official-te chuan FEMSE dilna chungchangah chak zawk leh mumal zawka hmalak a nih theih nan Study group din a rel a, thlaleh December ral hma ngeia din tura tih a ni a, he study group-ah hian FEMSE aiawh tel ngei nise tih a ni.

Meeting chuan FEMSE-in mass casual leave an titawp a nih chuan, FEMSE leh Education Minister leh Ministry aiawhte inbiakna platform nei nghal tura ruahmanna siam an remti a. Mass Casual leave lâk avanga State Project Director aṭanga order awm, ‘No work no pay’ leh Show cause Notice chu hlih a nih ngei theih nan sawrkar official-te, MZP leh MSU hruaituten theihtawpa hmalak an remti bawk a ni.

FEMSE chuan mass casual leave lak a nih chung-changah a tir aṭanga a tawp thlenga thlawptu member-te hnenah lawmthu a sawi a, mass casual leave an lak avanga tuartu, zirlai naupangte leh nu leh pate chungah FEMSE chuan ngaihdam a dil a, zirlaite tan theihtawp an chhuah zel dawn tih an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram