Kar kalta Inrinni zana Champhai Kahrawt Venga In pathum kang a mawhphurtu bera puh Lalnunpuia chu Kahrawt khawtlangin an huamchhunga awm ve rem an tih loh thu, thuchhuah siamin an tarlang.
An thuchhuahin a tarlan danin, Inrinni zan a Kahrawt venga In pathum kang leh a tuk Pathianni zan dar 12 vela a kang bang chhek khawm hal nawn leh a ni chu hriatthiam har an tih thu an sawi a. Khawtlang ṭangrual leh Police lamten theihtawpa hmala nghalin, a tikangtu puh Lalnunpuia Kahrawt veng chu man a nih hnuah, ama tih ngei a nih thu a puang tih an sawi a, Kahrawt veng NGO hrang hrangte chuan Lalnunpuia hi tunhnuah damin emaw thiin emaw, Kahrawt venga a luh leh chu engtikawng mahin rem an tih tawh lo thu an tarlan bakah Dan ang taka hrem turin thuneitute an ngen nghal bawk.