I&PR Director-in International Film Festival-a kal turte vai liam

Nimin chawhma khan Information & Public Relations Director Lallianpuii chuan Mizo Film Siamtute leh Film lama tui mi, sawrkar bul tuma 50th International Film Festival of India, Goa-a kal turte a vai liam.

50th International Film Festival of India a kal turte hi- Lalawmpuia Khiangte, Napolean RZ Thanga, Aldrin Zosangliana, Albert Zosangliana, Vanlalpeka Zote, V.Lalzamliani, KC Zoherliana, Lalzawna Pachuau leh Lalzidinga te bakah Information and Public Relations Officer Dr. Saithantluangi Zote te an ni.

Ni 20 November zanah Film Festival hawnna ceremony-ah an tel ang a, ni 5 chhung Festival-ah hian hun an hmang ang a. Dr. Saithantluangi Zote, IPRO hian ni 21 leh 22-ah FFO-Workshop ‘Creating an Effective Single Window Ecosystem’-ah a tel bawk ang.

IFFI, Goa-a an cham chhung hian National Film Development Corporation-in a buatsaih Film Bazaar-ah tel nghalin Film siam zirna session hrang hrangah hun an hmang nghal dawn a ni.

International Film Festival of India hi kum 1952 aṭanga hman ṭan a ni a, kum 67 a upa a ni,. South East Asia a film festival ropui ber pawl a ni. He festival hi Ministry of Information and Broadcasting, Directorate of Film Festivals leh Government of Goa tangkawp te buatsaih a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram