Zothlifim Logo
Loading ...

Khawzawl District Urban Development Officer (DUDO) Office chu nimin khan Bialtu MLA, Dy. Chief Minister Tawnluia’n a hawng.

Minor Irrigation Department Office Building thar luah loha awm pakhata DUDO Office hawnnaah hian thu sawiin Tawnluia chuan UD & PA Department chu MNF Party-in sawrkarna an chan hmasak, kum 2006 kuma din a ni tih sawiin, Khawzawl pawh hi hman aṭangin an hnuaiah a awm tawh a, Urban Development Programme erawh an dawng khât hle, a ti a. Hetiang a nih laia District thar pian hnua Office nei hmasa bera an ṭang thei chu vanneihthlak a tih thu a sawi a. Tuichang Constituency huam chhungah chuan Biate, Khawhai leh Khawzawl khuaah te Urban Department-in hma a la dawn, a ti.

Dy. Minister hian nimina Khawzawl-in District thar an lawm tur chungchang pawh sawiin, District an nih loh vanga Khawzawl mipuiin an nih tur ni pha lova inhriatna vanga rualbanlo nia inhriatna awm thin te pawh tunah chuan Pathian kaihhruaiin an nih tur ang an lo ni ve ta a, a lawmawm em em a ni, a ti.