Nimin khan Maharastra Assembly Protem speaker Kalidas Kolambkar chuan MLA thlan thar mi 282 te chu rinawmna thutiam lak tirin a lalut.
Supreme Court thupek anga special assembly kohah lakluhna hun hi hman a ni a, MLA thlan thar 288 zingah 282 lakluh an ni a, midang 6 chu an awm loh avangin lakluh ve an ni lo a ni.
Tarlan tawh angin Maharastra BJP kaihhruai sawrkar chu November ni 23-a siam a nih hnu lawkah niminpiah khan a tluchhe leh nghal a, BJP thlawptu NCP hotu Ajit Pawara’n Deputy Chief Minister a nihna aṭanga a bân hnuah Chief Minister Devendra Fadnavis chuan sawrkarna siam tura thlawptu a neih tam tawk loh avangin a bang veleh nghal a ni.
Hetihlai hian nimin khan Uddhav Thackeray leh a nupui chuan Governor Bhagat Singh Koshyari chu an chenna Mumbaia Raj Bhavan-ah an hmu a. Vawiin tlaiah hian Mahastra CM thar atan Thackaray hi lakluh a ni dawn a. Niminpiah khan Shiv Sena-NCP-Congress ṭangrual chuan Uddhav Thackeray chu CM turin lungrual takin an thlang a, Governor hennah MLA 166-in an thlawpna lehkha an thehlut bawk a ni.