December ni 9 aṭanga neih ṭan tur, Mizoram State Games 2019 atana din, Serchhip Assembly Constituency Organi-sing Committee chu nimin kan DRDA Conference Hall, P&E Veng, Serchhip-ah Serchhip bialtu MLA, Lalduhoma, Orga-nising Committee Chairman ni bawk hovin an ṭhukhawm.
He ṭhutkhawm kaihruaitu Lalduhoma chuan Mizoram State Games-a Serchhip AC telna tur tihchian tawh sport discipline hrang hrang 22 player-te leh a enkawltute chu theihtawp chhuah turin a chah a, Serchhip Constituency tana lawmman lâk beiseiawmna bik sports discipline-ah phei chuan sum leh pai bakah ṭul leh pawi-mawhahte theihtawp chhuah a tum thu a sawi bawk.“
Nimina ṭhukhawmah hian November ni 22-a Sport Minister hova Aizawla ṭhukhaw, ‘Mizoram State Games 2019, State Level Organising Commi-ttee Meeting-a Serchhip AC aiawha tel, R.Vanlalhruaia, Secretary, Serchhip AC Organising Committee hnen aṭangin Report ngaihthlak a ni a, ‘Mizoram State Games 2019’ atana sawrkar Department hrang hrang aṭang leh VC ṭhenkhatte-te aṭanga vehbur khawn sum tlingkhawm tawh chu `84,000/- a tlin tawh thute, sawrkar Department enge-mawzat leh VC ṭhenkhatten an la pek loh thu sawi a ni bawk.
State Games-a telna tur tihchian tawh sports discipline 22 -a incharge-te hnen aṭangin inbuatsaihna kalpui tawh dan leh hmalak mek dante, State Games neih chhunga players-te TA/DA leh thlen in chung-changte, Coach leh Player sawrkar hnathawk chawlh dilpui dan turte an rel a, Aizawl lammual-a ‘Mizoram State Games 2019’ hawnna inkhawm-ah hian Serchhip Assembly Constituency Parade Contingent kaihruaitu tur thlanna District Sport Committee-te kutah an dah a, He State Games atana Serchhip AC te inbuatsaih-na tur atana vehbur khawn chhunzawm zel nise an tih bak-ah, December ni 2/3 khian Serchhip Bazar Tualah Serchhip Assembly Constituency Players te hak tur “Jersey tlangzarh Programme” Bialtu MLA hovin tak hman nise an ti bawk.