Zothlifim Logo
Loading ...

Nimin khan Mizoram journalist leh amahni hruaitu Information & Public Relation (I&PR) dept. official-te study tour-a Puducherry-a zin mekte chuan Puducherry IPR pisa an tlawh a, an director MM Vinayaraj leh a thawhpuiten lo dawngsawngin, inkawmna hun ṭha tak an nei.

MM Vinayaraj Puducherry sawi danin an journalist-te chu sawrkarin pension a pek thu a sawi a.journalist kum 20 thawk tawh, kum 58 tlingte chu sawrkarin pension a pek ṭhin thu sawiin, “Thla tinin `7,500/- sawrkarin a pe a, pension atan hian journalist-te’n contribution an nei lo. Journalist an thih chuan a chanve an nupuiten an lak chhunzawm thei. Tunah hian pension la mi 11 an awm mek,” a ti.

MM Vinayaraj sawi danin, accredited journalist-te chu sorkarin smart phone leh mobile phone subsidy-a a lei sak thin bakah, sawrkar bus-ah a thlawna chuan an phalsak ṭhin a ni. IPR dept.-ah hian section pali – protocol, news, publication leh press a awm, thawktu 50-60 vel an awm ṭhin a ni.