Mizo Photographers’ Society (MPS) chuan thuchhuah siamin, mipuite chu Photography document pawimawhzia hriatpui a, thla latu thiamna leh eizawnna-te hriatpuia zahsak turin an ngen.
MPS chuan thuchhuah an siamah tunlai hian Mizo zingah camera nei an tam ta a, thla lak lamah pawh hma kan sawnin eizawnna atan leh chhungkaw châwm nana hmang pawh tam tak an awm ve tawh tih an sawi a, hetiang hi an din-hmun a nih mek laiin, eizawnna leh hna atana hmangte dinhmun ngaichang lo leh, an mitmei pawh veng miah lovin, thla la thiam pangngai, camera ṭha tak nei, Event leh Prog-ramme eng emaw a thlawna thla lak tum, a dapa dap leh mahni intahluh tum tlat an awm ṭhin chuan photographer-te dinhmun a tihniam ṭhin bakah eizawnna atana hmangte an zahawm an tih thu an sawi a, hetiang tih ching hi an ngaimawh a, ching zui tawh lo turin thla la ṭhinte an beisei thu leh an ngen thu an sawi a.
Tun hnai hian Programme lian pakhat an hman tur thu chhuah, social media lama an hmuhah chuan: ‘Photographer ṭha pangngai, camera ṭha nei, Event photographers 10 mamawh a nih thu leh hlawh pek an ni lo vang,’ tih chu photographer-te dinhmun chawi san lam aiin an dinhmun ngaih hniamna leh zah lohnaah MPS chuan an ngai tih an sawi a, hetiang thil hi Event Organiser leh Programme lian tham huai-hawt ṭhinte atangin thleng nawn tawh lo se an duh thu leh an beisei thu an sawi a. An mem-ber-te chu heng thilah hian inhnamhnawih lo turin an ngenin an hriattir a, Society member ni lo photographer dangte pawhin thla la ṭhinte dinhmun zahawmna an vawn him theih nan an thlawpna an ngen bawk a, MPS chuan Photography-in hma a sawn theih nan hma lak zel an tum thu leh
photographer zawng zawngte thlavang pawh a ṭul dan azirin hauh zel an tum thu an sawi bawk.