Categories
Chanchinthar India Mizoram

National Seminar hawng

Nimin khan Agriculture Minister C.Lalrinsanga chuan ni 2 awh tur National Seminar on National Resource Management for Sustainable Development chu Mizoram University Auditorium-ah hawng-in, khuallian a ni a, Bamboo Development Board Vice-Chairman Dr K.Pachhunga chu khualzahawm a ni bawk.

C.Lalrinsanga chuan Mizoram leilung hausakna awm theite sawi langin, ramhmul damdawi lama awmze neia hmalak a ṭul thu leh, ram leilung tichhe lo zawnga lo neih a ṭul tawhzia te a sawi a. Kawng hrang hrangah Mizoramin hma a lak mek thu leh tun dinhmuna Van Dhan Mission Project hnuaia National Resource Management hna ṭan mek a nih tur te a sawi a, leiṭha siamna hmunpui, Bio fertilizer Centre din a nih dawn thu te a sawi bawk a ni.

Dr. K.Pachhunga pawhin thu sawiin, Mizoram chuan mau leh rua-ah hausakna tam tak la haichhuah loh a nei avangin, Mizoram University a researcher te hnenah chuan hetiang kawng a an research project te pawh her turin leh hma-la turin Professors leh research students te chu a ngen a ni.

Seminar-ah hian technical session 13 awmin, paper presentation 64 leh poster presentation 6 a awm a. Seminar buatsaihtu Department of Geog-raphy ten an buatsaih lehkha-bu leh journal 4 Khuallian hian a release nghal bawk a ni. He Seminar in a tum ber chu sik leh sa inthlak danglam nasa tak avanga harsatna hrang hrang lo awm buaipui dan tur te a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram

Leave a Reply

This site uses Akismet to reduce spam. Learn how your comment data is processed.