Indian Oil Corporation Ltd. (IOCL), North East (Assam Oil Division) Chief General Manager Uttiya Bhatacharya leh IOCL official-ten Thawhṭanni tlai dar 4 khan Food, Civil Supplies & Consumer Affairs Minister K.Lalrinliana chu a pisaah hmuin Bairabi-a gas bottling plant leh oil depot siamna tura Mizoramin a ruahman IOCL leh Mizoram sawrkar official-ten an enho tawh chungchang an sawipui bakah, gas supply tihṭhat dan turte an sawi a, consumer ten IVRS (home delivery) booking an hman ṭangkai a pawimawh thu pawh sawiin, nikhatah a tlem berah gas truck load 22 rawn thawn ziah turin an intiam bawk.
Supply Minister hian nimin zing dar 7-a IOCL-in Govt. High School Field-a Pre-delivery Checking Awareness Campaign hawnna an neih chu a hmanpui bawk a, he hunah hian thu sawiin Minister chuan mipuiten kan chanvo dik kan hmuh theih nan leh kan him zawk nan home delivery kan kalpui ṭan a, consumer te pawhin theih ang a booking kan tih that a ṭul a ni a ti a, pre-delivery checking hi kan tih hram hram a ngai a, gas alh dan a dik em tih thleng in en a tha tih thu a sawi.
Pre-delivery Checking awareness campaign ah hian delivery boy ten gas an deliver hun a consumer te hmuh lai a checking leh test an neih tur chi hrang hrang – gas cylinder rih zawng, an seal that leh that loh, a leak leh leak loh te an test na khawl hmang a en dan tur entirna an nei a ni.
Chief General Manager Uttiya Bhatacharya chuan heng checking te hi an tihmakmawh a nih thu sawiin, consumer-ten IVRS booking leh leh IOCL app hmang uar turin a ngen a, printed bill dil ngei ngei ṭhin tur mipuite a ngen bawk a ni.