Mizoram sawrkar hnuaia FCS&CA Department chuan POL (Motor Spirit/Petrol leh High Speed Diesel (HSD) pawlh dal (adulteration) veng turin theihtawp an chhuah zel dawn tih a sawi.
FCS&CA thuchhuahin a tarlan danin, POL Pawlh dal (adulteration) chungchang zirchiang a, a vendan tur rawtna siam turin Study Group siam niin, ni 30.9.2019-ah Director, FCS&CA hovin Department officers, Legal Metrology Officers te, CYMA Kumpuan Committee leh MCU meeting neih a ni a (Study Group Report an thehlut) Study Group te pawhin an zirchianna leh rawtna te FCS&CA Department ah an thehlut tawh a.
Oil pawlhdal (adulteration) hian lirthei neitu te tan harsatna nasa tak a siam a, chubakah consumer te dikna/chanvo a palzut avangin FCS&CA Department chuan oil pawlhdal veng turin theihtawp a chhuah zel dawn a, Study Group te rawtna pawh ti hlawhtling turin chaktakin hma lak mek a ni, an ti a.
FCS&CA chuan Central YMA,Local Council, Village Council leh Mizoram Consumers’ Union (MCU) te pawh POL pawlh dal leh tihchingpen vêng tura theihtawp an chhuahnaah lawmthu an hrilh a ni.
District tinah District Level Task Force, Deputy Commissioner kaihhruaina hnuaiah din a nih thu leh he committee-ah hian district huamchhunga Supply Department-te, Legal Metrology te, District MCU te leh YMA te an tel a. An District huamchhungah hna fhawkin Gas, POL etc. pawlh dal leh tih chingpen te an veng dawn a ni, an ti a.
Mizoram chhungah oil pawlh dal (adulteration) ven leh tihtawp a nih theih nan, FCS&CA Department chuan NGO hrang hrang, Local Council/Village Council, lirthei neitu te leh mipui te thawhpuiah sawmin, an ṭawiawmna a ngen a ni.