Nimin Pathianni hmang khan Serchhip Vengchung Pastor Bial Kohhran Pavalai Pawl chuan Zirtawpni zan aṭang khan Serchhip Chhim Veng Kohhran Biak In-ah, Members’ Meet an hmang.
Meet-ah hian Speaker atan Rev. Dr. Lawmsanga hmangin, meet thupui “In kawngte chu chhût ngun rawh u (Hagai 1:5) hmangin thuchah a sawi ṭhin a ni. Zirtawpni zan khan Palai lawm leh Report Inkhawm neiin, an member chatuan ram pan tate sûnna hun an hmang a, Inrinni zingkar chu vantlang tana hna thawhna hun atan hmangin Serchhip District Hospital chhevel an thianfai a, Inrinni chhun khan Chhim Veng Volleyball Court ah Volleyball khela intihlimna neiin, Inrinni zan aṭanga nizan thleng khan Pathian biak Inkhawm neiin, speaker hnen aṭangin thuchah an ngaithla a, nizan khan meet hi a ṭiak a ni.