Serchhip District Sports Committee Office-cum-Contact Sports Centre hawng

Serchhip Town Hall hnuaia Serchhip District Sports Committee (SDSC) Office-cum-Contact Sports Centre siam thar chu nimin khan Adviser to Chief Minister, C.Lalramzauva chuan a hawng.

SDSC Office-cum-Contact Sports Centre a hawnnaah hian thusawiin, C.Lalramzauva chuan Serchhip District Sports Committee Office leh Contact Sports Centre tur hmun remchang tak, sawrkar hmasain a lo sak tawh hman mai tur a awm chu lawmawm a tih thu sawiin, hetiang hmun nei tur hian hruaituten ngaihtuahna nasa tak an seng nia a lan thu sawiin, ṭhalaite ruihtheih thil laka an fihlim theihna turin infiamna chu hmanraw pawimawh tak a nih thu leh hei vang hian sawrkar pawhin infiamna lama hmasawnna turin nasa taka hma a lak mek thu a sawi a, sawrkar hmalakna te a hlawhtlin theih nan mipuiten ṭha taka an thlawp a pawimawh thu a sawi bawk.

He hun hi SDSC Chairman, K.Tlangthanmawia chuan kaihruaiin, SDSC Secretary, David Laldintluanga chuan an hmalakna hrang hrangte report a pe a, SDSC Vice Chairman, Lalremruata Ralte chuan he Office an neih theihna atana hma an lâknate sawiin, lawmthu sawina hun a hmang bawk a ni.