Zoram Thar-te chuan an Hruaitu Dr. Zaichhawna Hlawndo kaihhruaina-in Ser-chhip District Zofate Lairelna chu Zirtawpni khan Lalro Digital Studio Serchhip ah an din a, hemi chungchangah hian Inrinni zing dar 10 khan Serchhipa thuthar lakhawm-tute kawmin, Serchhip District-a an puipate hmelhriattirna hun an hmang nghal a ni,
Thuthar lakhawmtute an kawmnaah hian Dr. Zai-chhawna chuan Zoram Thar Executive Committee te hmalak-nain November ni 12, 2019 chhun dar 11 khan khawvel pum huap Zofate Insuih-khawmna rorelna Inpui tur Zofate Lairelna (Zofate Committee) chu Aijal Club ah din fel a ni tih a sawi a, Zoram Thar puipate leh Executive member bakah Hnam hrang hrang atangin Hruaitu Chhangdawl (Vice President), Ziaktu (Secretary) leh Thurawnpetu (Adviser) an ruat tih sawiin, District tinah Coordinator-te ruat an nih bakah Executive member-te ruat an ni tih a sawi a.
Serchhip District Lairelna dinnaah hian District khaw hrang hrang aṭangin hnam Inpumkhatna duhtu leh Pathian lal ram tana mi thahnemngai te an kal khawm tih sawiin, Dr. Zaichhawna chuan Zofate chuan hnama chianna tur pawh nei lovin kan awm a. British leh India-ten hnam nihna (National Identity) pawh nei lovin min ṭhen darhin min awp bet a, tribal Identity hrang 25 lai min pe tawh a, chu nihna hmang chuan keimahni leh keimahnite pawh indovin kum tam tak kan lo awm a. Kan thlahtu pawh hrelovin kan bova, tunah chuan Zova thlahte kan nih inhrechhuakin hnamah kan harh ṭan mek a ni a ti a. Serchhip District hi ramlai a nih avangin District Lairelna pawh din hmasak ber a ni, a ti.
Dr. Zaichhawna chuan Zofate Lairelna hi Pathian Thlarau Thianghlim aṭanga din a nih avangin Pathian Thlarau Thianghlim hruai theiha Zofate kan awm vek a ngai a ni a ti a, thuthar lakhawmtute zawhna chhângin ZORO nen an kal dan tur a inan loh thu leh, anni chu Pathian dah hmasa chunga kal an nih thu a sawi.
Serchhip District Lairelna Hruaitu thlan tharte pawh thuthar lakhawmtute hi an hriattir nghal a, Serchhip District Lailrelna Puipate chu:
Lalawmpuia Renthlei (Serchhip)
Hruaitu Chhangdawl: Challianzinga Ralte (Chhingchhip)
Ziaktu: Lalmuanzova Vuite (Chhingchhip)
Ziaktu Chhangdawl: Laltanpuia Ralte (Thenzawl)
Sum Vawngtu: Lalhnema Bawlchhim (East Lungdar)
Sum Ziaktu: Pachhunga Ralte (New Serchhip)
Thurawnpetute:
Lallawmzuala Hmar (Serchhip)
Thangthuama Hlawndo (East Lungdar)
Laldingliana Ralte (Hualtu)
Vanlalhruaia (Biate)