Serchhipah Lehkha Chhiar Ni hmang

Nimin khan District Institute of Education & Training (DIET) Serchhip tualzawl-ah Lehkha chhiar Ni (Reading Day) hman a ni.

He Reading Day hi Serchhip District Bawrhsap, Sangchhin Chinzah chuan hmanpuiin lehkha chhiar tam hi hriatna dik leh tluantling min petu, thuneihna leh thiltih-theihna (power) keng tel a ni tih sawiin, lehkha chhiar kan uar thar leh a tulzia sawiin kalkhawmte a fuih a ni.

He Reading Day hi Serchhip DIET buatsaih niin, Sercchhip District Academy of Letters (SEDAL) leh Zoram Entu Pawl (ZEP) te nen he hun hi hmang hoin, zirlaite leh zirtirtu ṭhahnem tak nen he hun hi an hmang a ni.

Tunlai Information technology hmasawnna chak tak karah hian lehkhabu hlutna leh lehkhabu ngainatna a tlahniamin, lehkha kan chhiar tlem ta hle mai a. Chuvang chuan lehkha chhiar ṭulna leh pawimawhna inzirtir thar leh nan he ni hi buatsaih a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram