Ṭhlai Kristian Pawl (ṬKP), New Serchhip Pastor Bial chuan Mizo Ṭawng humhalh kawngah hmalak an tum.
Zirtawpni zan aṭang khan khan New Serchhip Pastor Bial ṬKP Inkawmpui vawi 2-na chu BCM Ebenezer Kohhran Biak In, P&E Vengah an hmang a, Inrinni khan rorel inkhawm neiin, an thu pass zingah Bial ṬKP hmingin Mizo ṭawng humhalh kawngah hmalak nise tihte leh Bial ṬKP-in a mamawhte tan a thlawna thisen pekna hun, (Blood Donation Camp) buatsaih nise tihte, an bial chhunga biak in sa mek, BCM Elim Kohhran, Chhiahtlang leh Kohhran din thar tur IOC biak in sakna atan Bial ṬKP hminga ṭanpuina pek te an rel a, nakuma an Bial budget atan Rs.1,05,000/- an pawm bawk.
He inkhawmpuiah hian Upa C.Lalzarmawia chu spea-ker-ah hman niin, inkhawmpui thupui, “Ṭhalaite leh tunlai khawvel” tih hmangin thuchah a sawi ṭhin a ni.
BCM New Serchhip Pastor Bial-ah hian Kohhran 6 – BCM New Serchhip, BCM Ebenezer (P&E Veng, Ser-chhip), BCM Elim (Chhiah-tlang), BCM Khumtung, BCM Seling leh BCM CTI Sesawng kohhrante an awm a, an bial chhungah ṬKP member 490 (mipa 298 leh hmeichhia 192) an awm a ni.