Parliament chuan Thawhlehni khan mahni mipatna emaw hmeichhiatna emaw inthlak Transgender-te humhmimna tur dan Transgender Persons (Protection of Rights) Bill, 2019 a pass.
He bill hi Rajya Sabhaah sawiho a nih hnuin voice vote hmanga pass a ni a, Lok Sabha-ah pawh pass a lo ni tawh a. He dan thar hian piantirha mahni nihphnung mipa emaw hmeichhia nihna atanga thlakte a huam vek a. Transgender tupawh chenna ina khawsak ve phalsak a ni a.
Hei bakah hian transgender–te chu inthliarhranna chi hrang hrang sawrkar hna, zirna, damlo inenkawlna, bungrua leh thil tha dang neih, mipui vantlangin hamthatna an dawnte, ramchhung hmun tina veivah leh khawsak kawngah te a hum tlat dawn a. Sawrkar hnaahte eng sawrkar emaw mimal tumahin heng mite hi hna a lak kawngah leh kaisan zel kawngah pawh an thliar hrang tur a ni lo tih danah hian tarlan a ni bawk.