Serchhip khawpui chhung bialtu, PHE Dept SDO, Er. Samuel LR Ralte chuan ṭhal lo thleng chho turah mipuiten tui hniang-hnar lehzuala an dawn theih nan hmalak an tum thu a sawi a, tun hmaa an tihdan ngailo deuhin tui pump leh tui sem lamah an ṭang chho a, Sectional Officer-ten tui semte an tlawh kual bakah SDO leh EE-te pawhin tuisem, tui pump leh control room-te chhun leh zanah an tlawh chho ṭan tih a sawi a. Hetihlai hian Serchhip khawpui chawm tur chuan nikhatah tui litre nuai 20 – 25.6 mamawh tawh a nih thu leh an khawl hmanlaiin a zawh tawk tura design chu ni khata tui litre nuai 18.4 a nih avangin water treatment leh tui pump-te ni khatah darkar 24 chhung operate ṭhin a ni tih a sawi a, hei vang hian mipuite pawh an tui dawn ni-ah chuan tui tiliam lo tura an tuizemte vêng uluk turin a chah a ni.
Loading ...