Categories
Chanchinthar Mizoram

Zalen kum 15 tlin lawmnaah Mizo of the Decade atan R.Ramhmangaiha thlan a ni

Nimin khan Mc Cabe Hall, Aijal Club-ah Pathianni chan-chinbu chhuak Zalen chuan an kum 15 tlin ‘Quindecennial’ an lawm a. Kum 10 (2008-2018) chhunga Mizo mi chhuanawm leh hlawhtling ‘Mizo of the Decade’ atan R.Ramhmangaiha (Hnam Chhantu) chu thlan a ni.

Zalen kum 15 tlin lawmna inkhawm hi Dr. Chawnglung-muana, Convener Zalen Quin-decennial Celebration Committee chuan a kaihruai a, khual-lian I&PR Minister Lalruatkima chuan Zalen chanchinbuin kum 15 a tling chu a lawmpui tih a sawi a, “Tunlai social media kan buaipui nasaa, ṭhalai zingah lehkha chhiarlo an tam avangin lehkha chhiar tura kan infuihthar leh a pawimawh a. Lehkha chhiar hi finna lung-phum ṭha tak a ni,” a ti. I&PR Minister chuan tunlai khawvel-ah a ṭha lam aia a chhe lam kan sawi tam chu a ṭhalo a tih thu a sawi a, “Infuih phur leh kan talent haichhuak zawnga hma kan lak a pawimawh a ni,” a ti bawk a. Mipuite chu a diltu ni lova a petu nih tum zawk turin a ngen bawk.

Thusawitu dang Zalen Editor Vanlalrema Vantawl pawhin Mizoram chanchinbu zinga colour hmasa ber in kum 15 an tling chu a lawmthu a sawi a. A ngaimawh zawng sawiin, “Entrepreneurship lamah nasa lehzualin sawrkarin tan la se ka duh a. Skill development lamah pawh tan kan lak nasat a ngai a. Kan ṭhalaite ruihhlo vanga an thi nasa lutuk pawh hi a veiawm ka ti tak zet a ni,” a ti bawk.

Zalen kum 15 tlin pual hian kum 10 kalta 2008-2019 inkar chhunga Mizo zinga mi chhuan-awm leh hlawhtling mi 7 thlang-in an zing aṭang hian a tha ber Mizo of the Decade thlan-chhuah leh a ni a. Mizo of the Decade ah hian entrepreneur lama hma latu, Hnam Chhantu dinchhuaktu ni bawk R.Ram-hmangaiha thlan a ni a. Chawimawina thuziak, memento leh lawmpuina tangkafai `10,000 chu khuallian hian a hlan a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram

Leave a Reply

This site uses Akismet to reduce spam. Learn how your comment data is processed.