Sawrkar laipui chuan kumin Republic Day vawi 71-na pualin mi 141-te hnenah Padma Award hlan a nih tur thu a puang a, heng zingah hian Mizo pahnih an tel a ni.
Sawrkar laipui chuan mi 7 hnenah Padma Vibhushan, mi 16 hnenah Padma Bhusan, mi 118 hnenah Padma Shri chawimawina a hlan dawn a, heng zinga 34 chu hmeichhia an ni a. Rampawn aṭangin mi 18 an tel bawk. Chawimawina dawng tur zinga mi 12 hi an thi tawh a, Mizoram atangin kum 94-a upa Veteran journalist Lalbiakthanga Pachuau leh thu leh hla lama mi ril C.Kamlova te chuan Padma Shri an dawng dawn a ni.
Union Minister hlui thi tawhte zingah George Fernandes, Sushma Swaraj leh Arun Jaitley te chuan Padma Vibhushan chawimawina an dawng dawn a, Manipur Boxer MC Mary Kom a tel bawk.