Serchhip DC tharin a hna a zawm ta

Nimin khan Dr. Lalzir-mawia Chhangte, IAS chuan nimin aṭang khan Serchhip District Bawrhsap mawhphurh-na chu a chelh ṭan ta.

Dr. Lalzirmawia Chhangte hi thiamna lamah M.A, LL.B., B.C.S. PG Dip. in Pub. Admn.,D.Min. a ni a, Kum 1991-ah MCS-ah lutin, hna pawimawh tak tak engemawzat a chelh kual tawh a, chung zingah chuan Director, Sports & Youth Services-te, Secretary, MPSC-te, Secretary, P&E leh Secretary Art & Culture-te pawh an tel a ni.

Nikum December ni 3, 2019 khan Ministry of Personnel, Public Grievances & Pensions, Department of Personal & Training, Government of India chuan Indian Administrative Service (IAS), AGMUT Cadre a rawn pe a, December ni 23-ah sawrkar notification hmangin a awmna tur siam niin, Serchhip District Bawrhsap hna thawk tura dah a ni.

Dr. Lalzirmawia Chhangte hian DC charge hi mawhphurh-na lo chelh lai lawktu Chuau-hnuna, Addl. DC hnen aṭangin a la a, DC Office-a officer-te leh thawktu dangte nena inhmel-hriatna hunte an nei nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram