Categories
Chanchinthar Mizoram

Serchhipa hmasawnna hnathawh mek thenkhatte enfiah

Inrinni chawhnu khan Serchhip Sub Hqrs YMA Vigilance & Monitoring Committee chuan Serchhipa hmasawnna hnathawh mek ṭhenkhat te an enfiah.

Sub Hqrs YMA Vigilance & Monitoring Committee hian KTP Gen. Conference inbuat-saihna kal mekah Serchhip khawpui chhunga PWD Department-n kawng tihzauh hna leh alkatra an luan mek leh Leisekawt khelmual laih leivung dawlna siamte a hmunah kala enfiahin ṭha thawkhata an hriatthu an sawi a, National Highway 54 chei ṭhat hna thawh mek pawh enfiahin kawng siamṭhat nan a lung an hman chu duhthusama ṭha hmuh mai tur a awm loh avangin leh hna hmanhmawh thlak a nih tawh avangin an hriatthiam thu an sawi.

National Highway 54 laih zauh leh siamṭhat hna hi Package 8 ah ṭhen niin, package 2 Baktawng – Keitum hi Gammon Enggineer Pvt.Ltd. thawh tur niin, tunah hian kawng chhe zualpui siamṭhat hna hi Mizoram Technocraft-ten an thawk mek a ni.

Sub Hqrs YMA chuan Serchhipa hmasawnna hnathawh ṭhenkhat duhthusam lohte thuneitu hnenah thlenin an beisei anga siamṭhat leh a ni ṭhin chu lawmawm an tih thu sawiin, Serchhip hmasawnna turin hnathawh hrang hrang te enzui zel an tum thu an sawi bawk.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram