Information & Public Relations Department-in Champhai District MJA te tana Press Tour a buatsaih, Ningani aṭanga Inrinni thlenga neihah Khuangthing leh Thekpui inrina luia Tlawva Small Hydel Project leh Khawbung RD Block a sawrkar hmalakna pawimawhte zirchian a ni.
Chanchinbumite hi Tlawva Small Hydel Project enkawltu Senior Executive Engineer R.Lalrinkima leh SDO ten an lo dawngsawng a, Pu R Lalrinkima chuan Megawatt 2 leh a chanve khawl pahnih, a vai a megawatt 5 kawlphetha pe chhuak tur bun a nih thu a sawi a, heng khawlte hian ruahtui tlak pangngai hunah chuan kumtin May thla atanga September thla chhungin megawatt 5 pe chhuak thei tura ngaih a nih thu leh October atanga February thlaah chuan Kilowatt 1000 vel pe chhuak thin tura ngaih a ni ati a, he project atang hian kum khat chhungin Power, Unit mtd 13.47 siam chhuak tura chhut a ni ati a, heta tang hian kumtin pawisa, cheng nuai 491.66 hmu lêtin, kum 15 hnuah chuan Project siamna man hi hmuh lét vek tum a nih thu a sawi a, Tlawva Small Hydel Project hi kumin chhunga hawng hman turin hnathawktu, NORTECH Company pawh nawr reng an nih thu a sawi bawk.
Chanchinbumite hian February ni 20-a Police station puitling a hlankai, Dungtlang Police Station an tlawh bawk a, Sub Hqtrs YMA Champhai Conference thlenna tur Pandal, Khuangthing Playground-a sak mek leh Pipu sulhnu pawi-mawh tak takte an tlawh bawk.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117