Olympic leh world 100m champion hlui Justin Gatlin chuan nakuma neih turin Olympic chu sawn tlaiin, hetih hunah hian kum 39 mi ni tawh mahse Tokyo Olympic-ah hian gols medal a la lak theih tur thu a sawi.
Olympics hi kumin July thlaa ṭan tura ruahman nimahse coronavirus leng avangin tunkar chho khan nakum lama neih turin thutlukna siam a ni a, tuna kum 38 mi, Gatlin hian Athens 2004-ah khan gold a la a, damdawi hman phal loh a hman avangin a ṭum hnihna atan hrem a ni leh hnu, kum 2017 khan London-ah world title a la bawk a ni.
International Olympic Committee chuan nakuma Olympics neih tur hi 2021 nipui aia tlaiah neih a ni dawn lo tih an sawi a, nakum February thla khian Gatlin chu kum 39 a tling tawh dawn a ni.
Gatlin hi kum 2006 leh 2010 inkar, kum 4 chhung kha teostosterone test a positive avangin hrem a ni a, hemi hma hian kum 2001 khan amphetamine vangin kum khat hrem a lo ni tawh bawk a ni.