Zothlifim Logo
Loading ...

Secretary, Health and Family Welfare chuan vawiin (5.4.2020) khan thuchhuah siamin Mizoram sawrkar hnuaia Doctor thawk zawng zawngte chu anmahni thawhna hmun ṭheuhah mipuite tan rawn theihin an awm reng tur a ni, a ti.

H&FW Secretary chuan a thuchhuahah chuan Covid-19 hrileng laka Mizoram mipuite kan him zawkna turin Mizoram sawrkar chuan Lockdown leh Social Distancing a puan/hman chhung chu Mizoram Sawrkar hnuaia Doctor thawk zawng zawngte anmahni thawhna hmun ṭheuha an Office Phone No. leh an Private Phone No.-ah mipuite tan râwn theihin an awm reng tur a ni, a ti a.

He hrileng a kian hma chuan Doctor zawng zawngte chu damlohna leh harsatna bik an nei a nih loh chuan anmahni post-ah ṭheuh mipuite tan râwn theihin an awm reng tur a ni tiin, mipui zawhnate hawihhawm taka lo dawngsawng tura ngen leh hriattir an ni tih a tarlang a, he thuchhuah hi H&FW Minister remtihna leh pawmpuinaa chhuah a ni a ti bawk.