Serchhip District Veterinary Officer, Dr. C.Zarzokima chuan Lockdown chhunga Serchhip district chhunga ran vulhtu, ran chaw lama harsatna nei emaw, tlachham thei dinhmuna ding mekte tana harsatna an thlenna tur a siam.
DVO, Serchhipin hemi chungchanga thuchhuah a siamah chuan, tunlai hrileng COVID-19 avangin Mizoram chhung pawh kan buai hle a, hetihlai hian ran vulhtute pawhin an rante ei turah pawh harsatna an tawk ve mek tih a sawi a, he harsatna sukiang tur hian Serchhip District Task Force on Covid-19 pawhin theihtawpa hma lain, ni 6.4.2020 a meeting thurel No. 7 na ah AH & Vety Department Serchhip District chu hma la tura mawhphurhna pek a ni a, hemi bawhzuia lo tihlawhtling tur hian C.Biakchhawna Livestock Superintendent (Mb: 8974743515) chu ruat a ni a, ani hian ran vulhtuten ran chaw an mamawh ang Feed Dealer-te lo sawipuiin mumal taka ran vulhtute hnena sem chhuak tura tih a nih thu a tarlang a, a sem dan record pawh fel taka DVO Serchhip hnena report thin tura tih a nih thu a tarlang bawk.