Vairengte kaltlang tur lirthei zawng zawng dan vek a ni dawn ni a thu thang chu Kolasib Bawrhsap, Dr. H.Lalthlangliana chuan thu diklo a ni a ti.
Vawiina Vairengte a Covid 19 screening point a tlawhna ah, Kolasib Bawrhsap chuan thu diklo leng vel avanga mipui chiai lo tur leh thudik lo laka fimkhur turin a chah a, inkharkhip hi a tawp hunah pawh Vairengte chu state pawn atanga mamawh phur lirthei paltlang anih angin Zoram hmun dang aia an la buai deuh a ngai dawn ati a, Vairengte chu Mizoram leh Mizote himna tura hmun pawimawh a nih avangin inpekna thuk zawk nena hma la turin khawtlang hruaitute a chah bawk.
Kolasib District Chief Medial Officer, Dr Lalhlimpuia Sailo chuan, Vairengte kaltlanga Mizorama lo lut endik tawh zawng zawngah Covid 19 kai ni awma rinhlelh an la awm loh thu a sawi.
–DDK, Aizawl