Serchhip Town Area-a Total lockdown kalpui dan tura hriattur pawimawhte

Mizoram sawrkarin ni 23.6.2020 aṭanga ni 30.6.2020 thlenga total lockdown a kalpui leh tur chu Serchhip District-ah chuan Serchhip Town Area-ah zawm ve tur a ni dawn a, total lockdown chungchanga mipui nawlpui leh Village Level Task Force (VLTF)-te tih tur leh zawm turte chu District Bawrhsap-in thupek a tihchhuah chu-

1. Serchhip District mi leh sa, lockdown avanga State pawna tangkhang lo haw turte chu Dputy Commissioner, Serchhip hnenah an in-report vek tur a ni.
2. Serchhip Town Area aṭanga bungraw thiar chhuak emaw, lalut turten Deputy Commissioner hnena aṭangin phalna an la tur a ni a, essential commodities phur tur tan erawh phalna hranpa a ngai lovang.
3. Serchhip Town Area-ah nitin mamawh (essential commodities) zawrhna dawr, eichawp dawr (wholesale leh retail), veng tina dawrte, supply retailer (Fair Price Shop), mihring leh ran damdawi dawr leh clinic, thlai chi leh leiṭha zawrhna, kut hnathawktute hmanraw zawrhna, ranchaw zawrhna leh bungraw phur mamawh oil, spare parts leh hna thawhna atana mamawh – brick, cement, rod leh in sakna bungraw zawrhna dawr te chu Deputy Commissioner leh VLTF te ruahmanna siam angin hawn theih a ni ang.
4. Mimal eizawnna hna (cottage & home based industrial units) heng – puanṭhui, puantah, carpentry, fabrication, bakery leh a dangte chu phalna hranpa lak ngai lovin kalpui theih a ni. Amaherawhchu heng hnate hi mahni inah thawk lova dawr hawn phal a ni lo. Hnathawktuten Social Distancing dan zawm chungin hna an thawk tur a ni a, hnathawhna hmunah te hian mi 5 (panga) aia tam awmkhawm phal a ni lo.
5. Mipuiin awlsam zawka thlai leh chawhmeh an hmuh theih nan veng hrang hrangah VLTF-ten ruahmanna an siam ang.
6. Inneih inkhawm leh mitthi vuina-ah mi 35 aia tam punkhawm khap a ni. Hei hi Kohhran leh khawtlang hruaitute’n khauh taka kalpui tura beisei an ni.
7. VLTF te mahni veng ṭheuhah duty tur a ni a, ṭul bik thilah chuan movement permit pawh pek tur a ni. VLTF te hi vawi khatah mi panga (5) aia tam duty tur a ni lova, duty-na hmunah social distancing kenkawh tur a ni. Kum 60 aia upate duty loh bawk tur a ni.
8. Serchhip town area-ah tumahin mahni in leh compound an chhuahsan tur a ni lova, lirthei hmanga mipui chetvel pawh khap tlat a ni. Commercial vehicles (maxicab, taxi, auto-rickshaw, pickup etc) te pawh tlanchhuah phal a ni lo. Hei hian a hnuaia mite hi a huam lovang :
   1) Magistrate, police leh excise duty te
   2) Government leh Community Quarantine/Isolation Facility-a thawkte leh chaw leh tui petute
   3) COVID-19 kaihhnawih thila duty tura a bika ruatte
   4) Medical leh veterinary emergency duty leh hospital (sawrkar leh private)-a thawk te,
   5) PHE, P&E leh PWD-a thawktute duty neite.
   6) Hminghmerh-a duty tura ruat (detailment order nei) sawrkar hnathawkte.
   7) Bank, insurance, ATM, postal, telecom service provider hnathawk te,
   8) Essential commodities phura veivakte.
   9) VLTF duty-te
   10) Print & electronic media, cable leh internet services a thawk te.
   11) Kohhran hminga motor register-te
   12) Bawnghnute sem
   13) Bawlhhlawh paih
   14) Petrol pump leh LPG delivery a thawktu te
   15) Courier, home delivery leh e-commerce service te leh
   16) Private security service te.
   17) DC-in phalna a pekte
   18) Mizoram Bar Association hnuaia practicing Advocate te, court a an inlan a tul ni atan chauh. Hengte hian an court ni a ni ngei tih finfiahna, cause list an keng ngei tur a ni.
   19) District hrang hranga MSACS hnuaia ART, OST leh syringe needle exchange kalpui tura ruatbik NGO member te, an hna an thawh ni atan chauh. Hengte hian an ID card leh an duty order roster an keng tel ziah tur a ni.
   20) Pastor, kohhran upa leh rawngbawltute ṭul bik thila kohhranin rilru leh thlarau lama harsatna tawkte tana rawngbawl tura a ruat bik te. Kohhran lehkha, hemi atan bika siam an nei tur a ni.
   21) State leh Central Board hnuaia Class X leh XII board examination 01.07.2020 atanga tan tur buaipuitu official, zirtirtu leh zirlai exam tur te leh an kal vel na lirthei te. Zirlaite tan admit card leh official /zirtirtu te tan duty tura detail-an nihna lehkha copy ken ngei tur a ni.
9. Serchhip Town Area aṭanga luh leh chhuah (zin veivah) khap a ni. |ul bik thil leh emergency-a veivah ngaite chuan VLTF te kaltlangin Deputy Commissioner phalna lak tur a ni.
10. District pawna veivah ngaite tan mCOVID-19 mobile application-ah mPASS hmangin dilna siam tur a ni a, he dilna hi VLTF ten an hriatpui ngei tur a ni.
11. Mihring veivahna permit chu ṭul bik thilah VLTF-ten movement permit an pe ang. Lirthei chhuak tur reng ren – feh tur, dawra kal tur, petrol la tur, office dawr tur leh a dangte’n mCOVID-19 mobile application-ah mPASS hmangin dilna an thehlut ang.
12. District Headquarters aṭanga feh turte chu zing dar 4:30 aṭanga zing dar 7:00 inkarah khawpui an chhuahsanfel hman tur a ni a, tlai dar 5:00 aṭanga dar 7:00 inkarah an in an haw thleng fel leh tur a ni.
13. Chhiatrupna thlen hlauhawm avanga insak chhunzawm leh hnathawh chhunzawm ngaite chu VLTF te hriatpuina leh remtihnain hna chhunzawm theih a ni ang a, hnathawktuten Social Distancing dan zawm chungin hna an thawk tur a ni a, vawi khatah mi 5 (panga) aia tam hnathawktu awm phal a ni lo.
14. Serchhip Town Area-a wholesale leh retail dawr, vengchhung dawr tête tiamin an dawrah essential commiodities rate an tarlang vek tur a ni. Purun, alu, dal, artui, buhfai, chini, tel, chi, bawnghnute leh a dangte man te hi an tar chhuak vek tur a ni. MRP aia toin thil zawrh phal a ni lo.