Inrinnia Sub-Hqrs. YMA, Serchhip Executive Committee ṭhukhawm chuan Sub-Hqrs. YMA, Serchhip hruaitu thar thlan hun tur an ruatfel.
Covid-19 hri leng avanga Sub-Hqrs. YMA hruaitu thlan hun tura ruatsa chu hun engemawchen a pel tawh a, boruak a zangkhai chho deuha an hriat tawh avangin inthlan hun atan hian February ni 5, 2021 ruat a ni a, a hmun atan Serchhip Auditorium niin, Returning Officer-ah president kal chhuak tur R.Sanghming-thanga hman a ni dawn a, hrileng boruak ṭhalo zawk a lo thleng leha punkhawm a rem loh chuan ballot box hmangin inthlanna hi buatsaih tur a ni dawn tho a, Sub-Hqrs. YMA hruaitu atana thlan chhuah theih turte pawh siamfel nghal a ni.
Hei bakah hian Bungtlang Venglai Branch YMA-in an branch hming atana Khawng-lung Branch YMA, Bungtlang tia hmingthlak an dilna pawh Central YMA lama thawnthlak turin an rel nghal bawk.