Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
AR chhuahsan tur rama mimal LSC-te tihtawpsak an la ni lo – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

Revenue Minister, Lalruatkima chuan Aizawl khawpui lailia Assam Rifles ram chhuahsan tura mimal ram neite LSC tihtawpsak an la ni lo a, hmalak mek a ni a ti.

House member, C.Lalsawivunga zawhna chhângin, Land Revenue and Settlement changtu minister Lalruatkima chuan, Assam Rifles ram chhuahsan tura mimal LSC titawp turin Council of Ministers chuan a rel tawh a ti a, Chief Secretary kaihhruainain hmalak dan tur buaipui a nih bakah Central YMA-in PIL an thehlut bawk a, tun dinhmunah LSC titawp turin buaipui mek a ni a, Court-a PIL ngaihtuah tura ruahman an la nghak a, LSC chu tihtawp fel a la ni lo a ti.

Minister chuan, Revenue department hnuaiah ram chungchanga ram thubuai chin fel loh, court case civil 1863 leh dispute case 1804 vel awm anga ngaih a nih thu MLA, VL Zaithanzama zawhna chhangin a sawi a, land acquisition leh mimal ram a luah sak avanga sawrkar court-a a chak loh avangin kum 2019-2020 chhungin UD&PA-in Edenthar venga BSU a saknaah zangnadawmna, Rs.88,84,154/- a seng a, MZU kawngah Court-in Land Value tihpun a remtih avangin PWD-in Rs.161,95,920 a sen bakah Railway ministry-in land value a pek loh chu court thupek avangin cheng nuai 4954.59 a chawi bawk a ti.