Mizoram Pradesh Congress Committee (MPCC) chuan Assembly Budget session neih zawh takah Congress MLA C.Ngunlian-chunga laka Law Minister TJ Lalnuntluanga chet dan chungchangah Assembly House kawtah nimin khan lungawilohna an lantir a, hetihlai hian C.Ngunlian-chunga hian Law Minister hi a mimal angin a ngaidam tih a sawi a ni.
Lawngtlai West MLA, C.Ngunlianchunga hian nimin khan Lawngtlai thlengin, Helipad-a amah lo hmuaktute zawhna chhangin, nizan hmasa khan Aizawla an chennaah Law Minister aiawhin Minister of State 2 leh MLA 2-ten ngaihdam an dil tih a sawi a, an pahnih inkarah ngaihdamna dilna chu a pawm thlap a, a ngai-dam tih a sawi a, hetihrual hian MPCC lam hmalakna erawh Party hruaitute ruahmanna a ni a, sawi tur a neih loh thu a sawi a, House chhungah thu inbat leh inhnialnate chu thil thlengfo a ni a, pawn lam thlenga in-ûmzui ang chi chu tun hnuah tu chungah mah thleng tawhlo se a duh thu a sawi.
MPCC member-te chuan nimin khan TJ Lalnuntluanga hi a session kal tur dan an tum a, lung-awi lohna an lantir zui a ni.