Covid-19 vaccine la mi 3494 awm tawh

March ni 17 thleng khan Serchhip District chhungah Covid-19 hri danna (vaccine) la mi 3494 an awm tawh a, heng zinga mi 805-te chuan 2nd dose an la tawh a ni.

Serchhip District-a Covid-19 vaccine la zingah hian mi 711-te chu health care worker-te niin, an zinga mi 635-ten 2nd dose an la tawh a, mi 1934 chu frontline worker-te niin, mi 170-in 2nd dose an la tawh bawk. Kum 60 chin chung lam mi 779-in vaccine hi an la tawh a, kum 45 chin chunglam natna benvawn nei mi 70-ten vaccine hi an la tawh bawk a ni. Mizoram pumah chuan Covid-19 vaccine la hi mi 49415 an awm tawh a, an zinga mi 10671-ten 2nd dose an la tawh a, tunah hian vaccine pek hna hi thawh chhunzawm zel a la ni.