Inrinni khan MJA General Hqrs.president Zonunsanga Khiangte, President, leh hruaitu dang hovin MJA Lunglei te nen Lunglei Press Club-ah inkawm hona hun hman a ni a, he hunah hian Lunglei-in MJA Gen. Conference chungchang an sawiho.
MJA president Zonunsanga Khiangte chuan, “MJA-te chu journalist kan ni a, member kan nih chhan ang takin kan working a pawi-mawh a, Covid-19 hri leng avang leh lockdown vel avangin chanchinbu kan khaihlak nasa a, boruakte a zia chho ta zel a, chanchinbu lamah tan kan lak thar a tul a ni,” a ti.
H.Lalthansanga, President, MJA Lunglei chuan MJA Gen. Conference 2021 thleng tura MJA Lunglei inbuatsaihna hrang hrang tarlangin, conference hi MJA chuan theihtawp an chhuah thu sawiin, inbuatsaihna peih thawkhat thu a sawi a, Budget pumpui Rs 6,00,700/- ruahman a nih thu leh mi dang pur buai ngai lovin MJA Lunglei chu a intodelh theih an beisei thu a tar lang.